سوال

کیا فرماتے ہیں مفتیان کرام اس مسئلہ کے بارے میں کہ میں مسمی عبد الحنان ولد گل دین  حلفیہ اقرار کرتا ہوں کہ میں نے اپنی منکوحہ بیوی کو 6 رمضان المبارک  کو لڑائی جھگڑے میں دو مرتبہ یہ الفاظ کہے ہیں کہ میں تجھے طلاق دیتا ہوں ،اس وقت میرے ساتھ میری والدہ ،چچی  اور بڑی ہمشیرہ بھی موجود تھیں،اب سوال یہ ہے کہ:

                                    1۔صورت مسئولہ میں میری بیوی کو طلاق واقع ہوگئی ہے؟اگر طلاق واقع ہوگئی ہے تو کون سی طلاق ہے؟شریعت کے مطابق دوبارہ  آبادی کی صورت ہوسکتی ہے؟

                                     2۔جبکہ لڑکی کا بیان یہ ہے کہ میرے شوہر نے تین مرتبہ طلاق دی ہے۔اس اختلاف کی صورت کا کیا حکم ہوگا؟

اَلجَوَابْ بِاسْمِ مُلْہِمِ الصَّوَابْ

1۔  طلاق واقع ہوگئی اور اگر شوہر کا دو طلاقوں والا قول درست ہے تو دو  طلاق رجعی واقع ہوگئی ہیں، اگر عدت کے دوران شوہر نے رجوع کرلیا  ہے تو  نکاح برقرار ہے اور اگر عدت (طلاق کے بعد تین ماہواریاں گزرنے) کے بعد تک رجوع نہیں کیا ہے تو نکاح ختم ہوچکا ہے،یہ خاتون دوبارہ اسی مرد سے یا  کسی بھی دوسرے مرد سے نکاح کرنے میں آزاد ہوگی۔           

            2۔شوہر اور بیوی کے درمیان طلاق کے معاملے میں اختلاف کی صورت میں دیانت اور قضاء کا حکم علیحدہ علیحدہ ہے، قضاءً مرد کا قول اور دیانتاً عورت کا قول معتبر ہوتا ہے، قضاءً کا مطلب یہ ہے کہ ایسی صورت میں اگر معاملہ عدالت میں پہنچ جائے اور عورت کے پاس اپنے دعوی پر گواہ نہ ہوں تو قاضی مرد سے قسم لے کر اس کے حق میں فیصلہ کر دے گا اور اس صورت میں خاوند اگر جھوٹا ہوا تو اس کا گناہ اسی پر ہو گا اور شرعاً یعنی "فیما بینہ وبین اللہ" عورت اس کے لیے ہرگز  حلال نہیں ہو گی ۔

             دیانتاً کا مطلب یہ ہے کہ اگر عورت کو  تیسری طلاق کا پکا یقین ہو تو وہ اپنی ذات کے حق میں اسی پر عمل کرنے کی پابند ہوتی ہے اور اس کے لیے خاوند کو اپنے اوپر قدرت دینا جائز نہیں ہوتا۔کیونکہ فقہائے کرام  نے یہ اصول بیان فرمایا ہے:"المرٲة کالقاضی" یعنی جس طرح قاضی ظاہری صورتِ حال کے مطابق فیصلہ کرنے کا پابند ہوتا ہے، اسی  طرح عورت پربھی  خاوند کے  ظاہری  الفاظ کے مطابق عمل کرنا لازم ہوتا ہے۔

            لہٰذا صورت مسئولہ کے مطابق چونکہ شوہر دو طلاقوں کا اقرار کررہا ہے اور عورت  تین طلاقوں کی جبکہ عورت کے پاس اس طلاق پر دو مرد گواہ یا ایک مرد اور دو عورتیں موجود نہیں ہیں لہٰذا قضاءً تو اس وقت تک طلاق واقع ہونے کا حکم قاضی/جرگہ نہیں لگاسکتا جب تک کہ گواہی کا نصاب نہ پورا ہوجائے، یا گواہ نہ ہونے کی صورت میں قاضی شوہر سے قسم کا مطالبہ کرے اور وہ قسم سے انکار کرے یا یہ کہ  شوہر خود تین طلاق کا اقرار  کرلے۔

            لیکن  اگر   بیوی کو کسی شک وشبہ کے بغیر مکمل یقین ہے کہ شوہر نے اسے تین طلاقیں دی ہیں تو پھر اس  عورت کے لیے حکم یہ ہے کہ اب اس سے دور رہے، اور اپنے اوپر اس شخص کو بالکل بھی  قدرت نہ دے۔جس طرح بھی ممکن ہو اس شخص سے جان چھڑائے جیسا کہ اپنا مہر معاف کرکے یا روپیہ دے دلاکر  یا خاندان کے بااثر لوگوں کو بٹھا کر شوہر کو باقاعدہ طور پر سمجھایا جائے کہ ساری زندگی زنا میں مبتلا ہوگا ،یا جھوٹا انکار کرنے سے اللہ کے ہاں تو نہیں بچا جاسکتا   ۔

حوالہ جات

قال العلامۃ ابن عابدین رحمہ اللہ:(كتاب الشهادات . . . . . ونصابها (لغيرها من الحقوق سواء كان) الحق (مالا أو غيره كنكاح وطلاق ووكالة ووصية واستهلال صبي) ولو (للإرث رجلان) إلا في حوادث صبيان المكتب فإنه يقبل فيها شهادة المعلم منفردا، قهستاني عن التجنيس (أو رجل وامرأتان) ولا يفرق بينهما {فتذكر إحداهما الأخرى} [البقرة: 282] .

                                                                                                                                                                                                                                                                                                                                                                                                             ( الدر المختار وحاشية ابن عابدين:5/ 465)
                                                                                    قال العلامۃ  الزیلعی رحمہ اللہ:قال: "أنت طالق طالق طالق" وقال: إنما أردت به التكرار صدق ديانةً لا قضاءً؛ فإن القاضي مأمور باتباع الظاهر والله يتولى السرائر، والمرأة كالقاضي لا يحل لها أن تمكنه إذا سمعت منه ذلك أو علمت به لأنها لا تعلم إلاالظاهر. (تبيين الحقائق :2/ 218)
                                                                                    وقال ابن نجیم رحمہ اللہ:ويدين في الوثاق والقيد ويقع قضاءً إلا أن یكون مكرهاً ، والمرأة كالقاضي إذا سمعته أو أخبرها عدل لا يحل لها تمكينه، هكذا اقتصر الشارحون ، وذكر في البزازية: وذكر الأوزجندي أنها ترفع الأمر إلى القاضي فإن لم يكن لها بينة يحلفه فإن حلف فالإثم عليه ا هـ ولا فرق في البائن بين الواحدةوالثلاث،اهـ. (البحر الرائق :3/ 276)

                                                                                          وقال العلامۃ الحصکفی رحمہ اللہ:وقال الاوزجندي ترفع الامر للقاضي، فإن حلف ولا بينة فالاثم عليه. (الدر المختار شرح تنوير الأبصار وجامع البحار :ص: 231)

                                                                                               وقال العلامۃ ابن عابدین رحمہ اللہ:وفي البزازية عن الأوزجندي أنها ترفع الأمر للقاضي، فإنه حلف ولا بينة لها فالإثم عليه. اهـ.( الدر المختار وحاشية ابن عابدين :3/ 251)

و فی الفتاوى الهندية:(الباب الثاني في إيقاع الطلاق وفيه سبعة فصول) . (الفصل الأول في الطلاق الصريح) : وهو كأنت طالق ومطلقة وطلقتك وتقع واحدة رجعية وإن نوى الأكثر أو الإبانة أو لم ينو شيئا كذا في الكنز. (الفتاوی الھندیۃ:1/ 354)

                                                         قال العلامۃ  الزیلعی رحمہ اللہ:قال: "أنت طالق طالق طالق" وقال: إنما أردت به التكرار صدق ديانةً لا قضاءً؛ فإن القاضي مأمور باتباع الظاهر والله يتولى    السرائر،            والمرأة كالقاضي لا

يحل لها أن تمكنه إذا سمعت منه ذلك أو علمت به لأنها لا تعلم إلاالظاهر. (تبيين الحقائق :2/ 218)

            قال العلامۃ عبد اللہ بن محمود الموصلی:الدعوى مشتقة من الدعاء وهو الطلب.وفي الشرع: قول يطلب به الإنسان إثبات حق على الغير لنفيه، والبينة من البيان، وهو الكشف والإظهار؛ والبينة في الشرع تظهر صدق المدعي وتكشف الحق. والأصل في الباب قوله صلى الله عليه وسلم "لو ترك الناس ودعواهم لادعى قوم دماء قوم وأموالهم، لكن البينة على المدعي، واليمين على المدعى عليه " . (الاختیار لتعلیل المختار:2/109)

   محمد عثمان یوسف

     دارالافتاءجامعۃ الرشید کراچی

          25 ذوالقعدہ 1442ھ

واللہ سبحانہ وتعالی اعلم