سوال

حدیث شریف میں دس سال کی عمر ہوجانے پر بچوں کے بستر الگ کرنے کا حکم ہے، لیکن یہ وضاحت نہیں کہ انہیں( سونے کے لیے) کب الگ کمرے میں منتقل کیا جائے؟میرا ذاتی خیال یہ ہے کہ کم از کم پندرہ سال تک کے بچے کو اپنے کمرے میں ہی سلایا جائے، مگر ایک عزیزہ کی طرف سے اس کی مخالفت کی وجہ سے آپ سے رجوع کررہا ہوں۔ رہنمائی درکار ہے۔

اَلجَوَابْ بِاسْمِ مُلْہِمِ الصَّوَابْ

دس سال کی عمر ہونے کے بعدبھی بچا یا بچی کے لیےاپنےوالدین کےخلوت گاہ( کمرے) میں  انکی اجازت سےسونافی نفسہ جائز ہے،لیکن قرآن مجید کی سورہ نور کی آیت نمبر۵۹کے اشارہ سےمعلوم ہوتا ہے کہ اس عمر کے بعداس کا مستقل معمول نہیں ہونا چاہئےاور ان کےمستقل کمرے اور خوبگاہیں الگ ہونی چاہئے، جیساکہ والدین کے خلوت گاہوں میں خلوت کے اوقات میں انکی آمدورفت کو اجازت سے مشروط کرنے سے یہ بات معلوم ہوتی ہے۔(ماخوذ از معارف القرآن:ج۶ص۴۴۵)

۔۔۔۔۔۔