021-36880325,0321-2560445

بِسْمِ اللَّـهِ الرَّحْمَـٰنِ الرَّحِيمِ

ask@almuftionline.com
AlmuftiName
فَسْئَلُوْٓا اَہْلَ الذِّکْرِ اِنْ کُنْتُمْ لاَ تَعْلَمُوْنَ
ALmufti12
میت کوبطورامانت دی گئی/نام کی گئی زمین اس کےترکہ میں شامل نہیں ہوسکتی۔
74374میراث کے مسائلمیراث کے متفرق مسائل

سوال

کیافرماتے ہیں علمائے کرام اس مسئلہ کے متعلق 3 بندوں نے اپنی اپنی زمین کو اپنی  اپنی بیگمات کے نام کروادی بطور امانت اورپھر کجھ عرصہ کےبعد تینوں نے زمین واپس مانگی تو2 نے اپنے اپنےخاوندوں کو  ز مین واپس کردی، لیکن ایک نے انکار کردیا اور اس پر گواہ بھی موجودہیں کہ یہ زمین انکو عارضی طورپر دی گئی تھی اور اس ایک عورت نے اپنے بھائی کے کہنے پر زمین واپس نہیں کی ،کیونکہ انکا آپس میں وٹہ سٹہ تھا ،اس کے بھائی نے اپنی بیوی کا حصہ زمین کا اس کے باپ کی وراثت سے زبر دستی لےلیا اور اپنے بہن کو باپ کی وراثت  سے محروم کردیا اور کہا کہ میری کوئی بہن نہیں ہے اورپھر یہ عورت جب فوت ہوگئی تو اس کے بھائی نے کہا کہ یہ میری بہن  ہے اور اس کی اولاد میں صرف ایک لڑکی ہے، اس لئے بہن کی وراثت  میں میرا حق بنتا ہے تو  اس  نےمرحومہ کی زمین جو اس کے نام تھی، اس سے اپنا حصہ زبر دستی لےلیا اور کہا کہ کسی طرح بھی زمین میری بہن کے نام ہوگئی ہے ،میرا حق بنتاہےتو اس نے لے لیا، باقی ایک خاوند اور اسکی لڑکی ہے تو کیا اسکی یہ زمین جو اس کےپاس امانت تھی  اب اس زمین کو بطور وراثت تقسیم کر سکتے ہیں؟جبکہ یہ زمین اسکے پاس امانت تھی کیونکہ عورت کو نہ تو باپ کی طرف  سے زمین  ملی اور نہ حق مہر میں ملی اور نہ اس نے کسی سے زمین خریدی اورنہ بطور انعام ملی، اس کی ملکیت کا  شرعا کیاحکم ہے؟

اَلجَوَابْ بِاسْمِ مُلْہِمِ الصَّوَابْ

سؤال میں مذکور تفصیل کے مطابق یہ زمین شوہر کی ملکیت ہے ،لہذا بیوی کے مرنے کے بعد اس کے ترکہ میں تقسیم نہیں ہوسکتی۔

حوالہ جات
۔۔۔۔۔

نواب الدین

دار الافتاء جامعۃ الرشید کراچی

 ۴ربیع الاول۱۴۴۲ھ

واللہ سبحانہ وتعالی اعلم

مجیب

نواب الدین صاحب

مفتیان

سیّد عابد شاہ صاحب / محمد حسین خلیل خیل صاحب