سوال

میرے گھر میں میرے بڑے بھائی ، میری اور میری چھوٹی بہن کی شادی ہونے والی ہے ، میں نے لوگوں کو یہ کہتے ہوئے سنا ہے کہ اگر کسی گھر میں تین لوگوں کی ایک ساتھ شادی ہوتی ہے  تو ان میں سے کسی نہ کسی کے نکاح میں پریشانی ہوتی ہے یعنی وہ پریشان رہتا ہے ، کیا یہ بات ٹھیک ہے ، اس کی وضاحت فرما دیں۔

اَلجَوَابْ بِاسْمِ مُلْہِمِ الصَّوَابْ

ایک گھر میں ایک ساتھ ایک سے زائد شادیاں  مثلاً   دو یا تین   یا چار وغیرہ  کرنے میں شریعت کی رو سے کوئی خرابی نہیں ہے اور نہ ایسا کرنے سے کسی کو کوئی پریشانی اور تکلیف لاحق ہوتی ہے۔ چنانچہ سوال میں مذکور بات بالکل منگھڑت اور بے بنیاد ہے۔ ایسے غلط خیالات سے خود کو دُور رکھنا چاہیے۔

حوالہ جات

القرآن  الکریم [الأعراف: 189] :

﴿هُوَ الَّذِي خَلَقَكُمْ مِنْ نَفْسٍ وَاحِدَةٍ وَجَعَلَ مِنْهَا زَوْجَهَا لِيَسْكُنَ إِلَيْهَا ﴾

محمد انس جمیل

دارالافتا ءجامعۃالرشید کراچی

۲۳،جمادی الاولٰی ۱۴۴۳ ھ

واللہ سبحانہ وتعالی اعلم