سوال

سوال:ماں باپ زندہ ہیں اور بیٹا فوت ہو گیا ہے اور مرحوم سرکاری ملازم تھا مرحوم کا ایک بیٹا ، ایک بیٹی اور بیوہ موجود ہیں۔اب مرحوم کی ملنے والی پینشن اور کمیوٹ میں ماں باپ کا حصہ ہو گا یا نہیں ؟

اَلجَوَابْ بِاسْمِ مُلْہِمِ الصَّوَابْ

مرحوم کی وفات کے وقت جو بھی منقولہ و غیر منقولہ چیز مرحوم کی ملک میں تھی وراثت اس میں جاری ہوتی ہے۔مرحوم کو ملنے والی پنشن  میں مرحوم کی ملک نہیں بلکہ وہ حکومت کی طرف سے عطیہ اور تبرع ہے،لہذا حکومت جس کے نام پر جاری کرے وہ پنشن اسے ملے گی۔اگر حکومت کی پالیسی یہ ہے کہ اہلیہ، اولاد کے ساتھ ماں باپ بھی حصہ دار ہیں تو ان کو بھی ملے گا اور اگر یہ پالیسی ہے کہ مرحوم جسے نامزد کرے گا  پنشن اسے ملے گی، جیسا کہ بیوہ وغیرہ،تو پینشن بیوہ کو ملے گی نہ کہ ماں باپ کو۔

حوالہ جات

...

محمد عبدالرحمن ناصر

جامعۃ الرشید کراچی

27/10/1442

واللہ سبحانہ وتعالی اعلم