71963 | نکاح کا بیان | نکاح صحیح اور فاسد کا بیان |
سوال
ایک گھرجو برائیوں کی جڑ ہے اور لوگوں پر ناقابلِ برداشت تہمت و الزامات لگانے کا عادی ہے۔ان کا ایک لڑکا ذہنی پاگل اور اخلاقیات سے عاری ہے۔ایسے میں اس کے گھر والے تعویذات و سحر کے ذریعے لڑکی کو محبت کے جال میں پھنسا دیتے ہیں کہ لڑکی کے گھر والے ناچاہتے ہوئے بھی اس لڑکے سے اپنی بیٹی کی شادی کرنے پر راضی ہوجاتے ہیں۔ یہ لڑکاعقل سے معذور ہونے کی وجہ سے محنت مزدوری اور کما نہیں سکتا لیکن اس کے بھائی وغیرہ پھر بھی شادی کروادیتے ہیں۔کیا ایسا نکاح جو لڑکی والے ناچاہتے ہوئے بھی کر لیتے ہیں ،شرعاً منعقد ہوجاتا ہے؟
اَلجَوَابْ بِاسْمِ مُلْہِمِ الصَّوَابْ
سحر کرنا حرام ہے، لیکن اگر نکاح کا ایجاب و قبول گواہان کی موجودگی میں کیا جائے تو شرعاً نکاح منعقد ہوجاتا ہے۔
حوالہ جات
الجوهرة النيرة على مختصر القدوري (2/ 2)
قال - رحمه الله - (النكاح ينعقد بالإيجاب والقبول).... (ولا ينعقد نكاح المسلمين إلا بحضور شاهدين حرين مسلمين بالغين عاقلين)
مصطفی جمال
دارالافتاءجامعۃالرشید کراچی
07/07/1442
واللہ سبحانہ وتعالی اعلم
مجیب | مصطفیٰ جمال بن جمال الدین احمد | مفتیان | آفتاب احمد صاحب / محمد حسین خلیل خیل صاحب |