سوال

دھوبی سے دھلوائے گئے كپڑے پاك ہوں گے یا نہیں؟

اَلجَوَابْ بِاسْمِ مُلْہِمِ الصَّوَابْ

اس بارے میں اہل علم میں اختلاف ہے، بعض کے نزدیک چونکہ دھوبی کے ہاں کپڑے دھونے میں پاکی سے متعلق شرعی ضابطوں کی رعایت نہیں کی جاتی لہذا جو کپڑا جس حالت میں دیا گیا ہو دھلائی کے بعد اس کا وہی حکم برقرار رہے گا۔لان الیقین لا یزول بالشک( احسن الفتاوی :ج۲،ص۸۳،ج۱۰ ص۱۸۷)جبکہ بعض کے نزدیک اس پر بھی پاکی کا حکم لگے گا ،۔(آپ کے مسائل اور ان کا حل )

احتیاط تو پہلی رائے  میں ہے،اور عبادات میں احتیاط پرہی عمل واجب ہے،لہذا ایسے لباس میں پڑھی گئی نماز ادا نہ ہوگی اوراس میں پڑھی گئی نمازوں کا اعادہ ضروری ہے،البتہ مجبوری یا سابقہ عبادات کے بارے میں دوسری رائے پر عمل کی بھی گنجائش ہے۔

حوالہ جات

۔۔۔۔۔

نواب الدین

دار الافتاء جامعۃ الرشید کراچی

یکم شعبان۱۴۴۳ھ

واللہ سبحانہ وتعالی اعلم