سوال

ایک شخص کا انتقال ہوا، جس کا دیگر ترکہ تقسیم ہو چکا ہے، البتہ اس کی ملکیت میں ایک پلاٹ تھا جو اڑھائی لاکھ روپے میں فروخت ہوا ہے، مرحوم کے ورثاء میں ایک بیوہ، چار بیٹے اور چار بیٹیاں ہیں، سوال یہ ہے کہ یہ رقم مرحوم کے ان  ورثاء میں کس طرح تقسیم ہو گی؟

اَلجَوَابْ بِاسْمِ مُلْہِمِ الصَّوَابْ

اگر مرحوم کے صرف یہی ورثاء ہیں جو سوال میں ذکر کیے گئے ہیں اور بقیہ ترکہ بھی تقسیم ہو چکا ہے تو اس صورت میں پلاٹ کی کل رقم  میں سے آٹھواں حصہ بیوہ کا نکالنے کے بعد بقیہ ترکہ کو بارہ حصوں میں برابر تقسیم کرکے ہر بیٹے کو دو حصے اور ہر بیٹی کو ایک حصہ دے دیا جائے، آسانی کے لیے  فیصدی اعتبار سے تقسیم میراث کا نقشہ درج ذیل ہے:

حوالہ جات

القرآن الکریم [النساء: 12]:

{فَإِنْ كَانَ لَكُمْ وَلَدٌ فَلَهُنَّ الثُّمُنُ مِمَّا تَرَكْتُمْ مِنْ بَعْدِ وَصِيَّةٍ تُوصُونَ بِهَا أَوْ دَيْنٍ}

السراجی فی المیراث:(ص:19)، مکتبۃ البشری:

وأما لبنات الصلب فأحوال ثلاث: النصف للواحدۃ، والثلثان للإثنین فصاعدا، ومع الابن للذکر مثلُ حظ الأنثیین وھو یعصبھن۔

  محمد نعمان خالد

دارالافتاء جامعة الرشیدکراتشی

4/ذوالقعدہ 1443ھ

واللہ سبحانہ وتعالی اعلم