سوال

ایک مسئلہ پوچھنا تھا کہ ایک شخص نے وراثت حاصل کرنے کے لیے اپنا شجرہ جھوٹا بنوایا ہے اور کاغذات میں شیعہ لکھوایا ہےاور کورٹ میں بھی جھوٹ کہا کہ ہم شیعہ ہیں،تاکہ وہ وراثت کا کیس جیت جائے اور اسے وراثت مل جائے،جبکہ وہ مسلمان ہے اور دوسری طرف سگے چچا وراثت پر قبضہ کر رہے تھے جب کہ چچا دو نمبر قسم کےآدمی ہیں اور چچا نے بھی وراثت پانے کے لیے اپنا شجرہ جھوٹا بنوایا ہے اوراپنے کوشیعہ ظاہر کیا ہےتوکیا ایسے شخص کا نکاح قائم رہیگا؟اور کیا وہ مسلمان رہیگا؟

اَلجَوَابْ بِاسْمِ مُلْہِمِ الصَّوَابْ

شیعہ کو چونکہ علی الاطلاق کافر نہیں کہا جاسکتا، بلکہ اس بارے میں  تفصیل کے علاوہ اہل علم میں اختلاف بھی چلا آرہا ہے،لہذا وراثت حاصل کرنے کے لیے اپنےکومحض شیعہ ظاہر کرنے سے ایمان یا نکاح ختم نہیں ہوگا،البتہ چونکہ بعض اہل علم کے نزدیک ایسی صورت میں بھی کفر لازم آتا ہے، لہذا احتیاطا تجدید ایمان ونکاح کرلینا چاہئے۔

حوالہ جات

۔۔۔۔۔

نواب الدین

دار الافتاء جامعۃ الرشید کراچی

۲۶ ذی الحجہ۱۴۴۳ھ

واللہ سبحانہ وتعالی اعلم