77657 | گری ہوئی چیزوں اورگمشدہ بچے کے ملنے کا بیان | متفرّق مسائل |
سوال
اگر کسی اجرتی مزدور کو پرانی عمارت کی بنیادیں توڑنے کے دوران سونا مل جائے تو وہ کس کی ملکیت ہوگا؟ مزدور کی؟ عمارت کے موجودہ مالک کی؟ یا حکومتِ وقت کی؟ اور اگر وہ مزدور وہ سونا بیچنا چاہے تو اُس کا خریدنا میرے لیے جائز ہوگا یا نہیں؟
اَلجَوَابْ بِاسْمِ مُلْہِمِ الصَّوَابْ
عمارت کی بنیادوں سے ملنے والے سونے کو مزدور کے حق میں لقطہ شمار کیا جائے گا، پہلے مکان کے مالک سے پوچھ لیں اگر وہ دعوی کرے کے میرا ہے تو اس کو دے اور اگر وہ دعوی نہ کرےتو پھرمزدور پر لازم ہے کہ اِس سونے کے مالک کو ممکنہ طریقوں سے تلاش کرکے اُس تک یہ سونا پہنچائے۔ اگر اُسے اصل مالک نہ ملے تو سونا صدقہ کردے۔ اور اگر مزدور خود مستحقِ زکوۃ ہے تو خود بھی اِس نیت سے استعمال کرسکتا ہے کہ جب اصل مالک ملے گا تو اُسے اِس کی قیمت ادا کردوں گا۔
حوالہ جات
فی رد المحتار: 4/285
"وفي التتارخانية عن الينابيع: اشترى دارا، فوجد في بعض الجدار دراهم. قال أبو بكر: إنها كاللقطة. قال الفقيه وإن ادعاه البائع رد عليه، وإن قال ليست لي فهي لقطة. اهـ."
وفی الفتاوی الھندیۃ: 2/291
"إن كان الملتقط محتاجا فله أن يصرف اللقطة إلى نفسه بعد التعريف، كذا في المحيط، وإن كان الملتقط غنيا لا يصرفها إلى نفسه بل يتصدق على أجنبي أو أبويه أو ولده أو زوجته إذا كانوا فقراء، كذا في الكافي." واللہ سبحانہ وتعالی أعلم.
طارق مسعود
دارالافتاء، جامعۃ الرشید، کراچی
27، محرم الحرام، 1444
واللہ سبحانہ وتعالی اعلم
مجیب | طارق مسعود | مفتیان | سیّد عابد شاہ صاحب / محمد حسین خلیل خیل صاحب |