سوال

بعض مدارس والے یہ رقم مدرسے کے فنڈ سے دیتے ہیں،شرعا مدرسے کے فنڈ سے یہ رقم دینا کیسا ہے؟

اَلجَوَابْ بِاسْمِ مُلْہِمِ الصَّوَابْ

واضح رہے کہ جو چندہ دینے والوں نے کسی خاص متعین مصرف میں لگانے کے لئے دیا ہو اسے اس مصرف کے علاوہ کسی دوسرے مصرف میں استعمال کرنے کی اجازت نہیں،البتہ وہ چندہ جو مدرسے کے عمومی مصارف کے لئے دیا گیا ہو اور دینے والے نے کسی خاص مصرف کی تعیین نہ کی ہو تو چندے کی ایسی رقم مدرسے کے مصالح میں استعمال کی جاسکتی ہے۔

چونکہ اس قسم کی تقاریب کا انعقاد مدرسہ کے کام اور معیار کی تشہیر اور ختم کرنے والے طلبہ کی حوصلہ افزائی کے لئے منعقد کی جاتی ہیں،جو مدرسے کے مصالح میں شامل ہے،اس لئے مدرسے کے عمومی فنڈ سے یہ رقم دینے کی گنجائش ہے،لیکن پھر بھی بہتر یہ ہے کہ اس قسم کی تقاریب کے لئے الگ فنڈ مخصوص کیا جائے جو اسی مقصد کے لئے اکٹھا کیا جائے۔

"رد المحتار" (2/ 269):

"الوكيل إنما يستفيد التصرف من الموكل وقد أمره بالدفع إلى فلان فلا يملك الدفع إلى غيره كما لو أوصى لزيد بكذا ليس للوصي الدفع إلى غيره فتأمل".

"البحر الرائق " (5/ 233):

"الثامنة في وقف المسجد أيجوز أن يبنى من غلته منارة قال في الخانية معزيا إلى أبي بكر البلخي إن كان ذلك من مصلحة المسجد بأن كان أسمع لهم فلا بأس به وإن كان بحال يسمع الجيران الأذان بغير منارة فلا أرى لهم أن يفعلوا ذلك".

"الفتاوى الهندية" (2/ 464):

"ولو أن قوما بنوا مسجدا وفضل من خشبهم شيء، قالوا: يصرف الفاضل في بنائه ولا يصرف إلى الدهن والحصير، هذا إذا سلموه إلى المتولي ليبني به المسجد وإلا يكون الفاضل لهم يصنعون به ما شاءوا، كذا في البحر الرائق ناقلا عن الإسعاف".