سوال

جو  لوگ ہنڈی کا   کاروبار کرتے  ہیں  ان کے  گھر دعوت   کھانا جائز ہے یا نہیں ؟

اَلجَوَابْ بِاسْمِ مُلْہِمِ الصَّوَابْ

ہنڈی کے کاروبار  کی مختلف  صورتوں کا حکم  سوال نمبر1  کے ضمن میں  بیان ہوچکا ہے ،جن کا  خلاصہ یہ ہے اگر اس  میں  سودی  معاملے شامل ہوجائیں   تو  آمدن حرام  ہے ،اگر  سودی  معاملے شامل نہ ہوں  لیکن  حکومتی   پابندی  کی خلاف  ورزی کی  بناء  پر   معاملہ ناجائز  ہو اور  کسی   نے ایسا  معاملہ  کرلیا    تو اس حاصل  ہونے والی   آمدنی  کا استعما  ل مکروہ تنزیہی  ہے ،اجتناب  اولی اور بہتر  ہے ۔

دعوت کھانے کا حکم  یہ ہے کہ  اگر کوئی خالص حرام آمدنی  سے  یا  مخلوط غالب حرام    پیسے سے   دعوت  کھلائے  تواس کھانے میں شرکت کرنا  حرام  ہے  ،اجتناب واجب ہے۔ اگر  کسی کا  مال  حلال  وحرام سے  مخلوط  ہو اورغالب حلال  ہو اس  دعوت  مین   شرکت  کی گنجائش ہے بشرطیکہ حرام سے  دعوت  کا یقین نہ ہو تاہم  اس سےبھی اجتناب اولی   ہے

الفتاوى الهندية (43/ 334)

اكل الربا وكاسب الحرام أهدى إليه أو أضافه وغالب ماله حرام لا يقبل ، ولا يأكل ما لم يخبره أن ذلك المال أصله حلال ورثه أو استقرضه ، وإن كان غالب ماله حلالا لا بأس بقبول هديته والأكل منها ، كذا في الملتقط