سوال

ہماری بہن نسرین جہاں زوجہ محمود احمد فاروقی کاانتقال 2014 میں ہوا،ان کی کوئی اولاد نہیں ہے،انہوں نے وارثین میں شوہر،تین بھائی،اور چھ بہنیں چھوڑی ہیں،ان کی وراثت کیسے تقسیم ہوگی؟

اَلجَوَابْ بِاسْمِ مُلْہِمِ الصَّوَابْ

نسرین جہاں نے  فوت ہوتے وقت  ترکہ میں جو کچھ چھوڑا  تھا وہ سب ورثہ میں شرعی طور پر تقسیم ہوگا،جس کی صورت یہ ہے کہ تمام مال واسباب کی قیمت لگائی جائے،پھر اگر میت پر قرضہ ہو تو وہ ادا کیا جائے،اگر اس نے وارث کے علاوہ کسی اورکےلیے وصیت کی ہوتو مال کی تہائی میں سے وہ ادا کی جائے،اس کے بعد بقیہ مال  ورثہ میں تقسیم کیاجائے، میراث کی تقسیم اس طرح ہوگی:

1۔ شوہرکو 50 فیصد حصہ  ملے گا۔

2۔  ہر بھائی کو8.333فیصد حصہ ملے گا۔

3۔ ہر بہن کو 4.166فیصد حصہ ملے گا۔

وفي الھندیۃ(1/161):

 یجب الکفن علی الزوج وإن ترکت مالاً وعلیہ الفتویٰ۔

الفتاویٰ التاتارخانیۃ(3/31):

ویکفن المیت من جمیع مالہ قبل الوصایا والدیون والمواریث، ومن لم یکن لہ مال فکفنہ علی من یجب لہ نفقتہ، إلا المرأۃ  فإنہ لا یجب کفنہا علی زوجہا عند محمد، خلافاً لأبي یوسف، فإن عندہ یجب علیہ الکفن وإن ترکت مالاً ، وفي الکبریٰ: وبہ یفتی۔