سوال

گھر  میں  کافی  سارے پرانے نوٹ   رکھے ہوئے  ہیں ،  بعض   لوگ   پرانے نوٹ  کم قیمت  پر خرید   لیتے ہیں  ، مثلا  100 کے  بدلے 70 روپے  دیتے  ہیں   ،سوال  یہ ہے  کہ پرانے  نوٹوں  کا   اس  طرح کم قیمت پر تبادلہ  کرنا جائز ہے  یا نہیں ؟

اَلجَوَابْ بِاسْمِ مُلْہِمِ الصَّوَابْ

         جو کرنسی  نوٹ رائج  ہو یعنی  حکومت نے اس کا چلن  ختم نہ کیا  ہو وہ  چاہے پرانا  بھی  ہو  سرکاری  طور پر   اس کی قیمت  میں کمی نہیں  آتی ،  چنانچہ  اگر اس کا  بینک  سے تبادلہ  کیاجائے   توپوری قیمت ملتی ہے ، اس لئے  ایسے  نوٹ  کی ملکی  کرنسی  کے ساتھ  تبادلہ  جائز  ہونے کے  لئے  شرعا برابری  ضروری  ہے  ،اس میں  کمی  زیادتی  کرنے  کی صورت  میں سود لازم آئے گا اس لئے  100 کےایسے پرانے   نوٹ کو  70 یا  کم زیادہ  کے  ساتھ  بدلنا  جائز نہیں ۔

الهداية في شرح بداية المبتدي (3/ 81)

قال: "فإن باع فضة بفضة أو ذهبا بذهب لا يجوز إلا مثلا بمثل وإن اختلفا في الجودة والصياغة" لقوله عليه الصلاة والسلام: "الذهب بالذهب مثلا بمثل وزنا بوزن يدا بيد والفضل ربا" الحديث. وقال عليه الصلاة والسلام: "جيدها ورديئها سواء" وقد ذكرناه في البيوع.