سوال

ہمارا سوال  یہ ہے کہ  آزادی  نسواں تحریک کے بارے میں اسلام   کیاکہتا ہے ،اس تحریک  کامقصد  عورت کو معاش کے قابل بنانا ہے ،اسلامی  تعلیمات  کی روسے  عورت کون کون سا کام کرسکتی ہے ؟

اَلجَوَابْ بِاسْمِ مُلْہِمِ الصَّوَابْ

اسلامی تعلیمات کی رو سے خواتین کی اصل جگہ ان کا اپناگھر ہے ،اسی میں  رہ کر خانگی  امورکو  سنبھالے، بچوں کی صحیح  تربیت ،شوہر کی خدمت وغیرہ خانگی امورسے  فرصت ملے تو  نفل نماز،  ذکراللہ ،تلاوت  قرآن کریم دعا وغیرہ میں  مشغول  رہیں۔ بلاضرورت  گھر سے باہر  نہ نکلیں ، گھر کے اندر  سلائی کڑائی وغیرہ  کوئی دستکاری کاکام کرسکتی ہیں ۔

خواتین کےلئے بلاضرورت  گھر کے  باہر جاکر ملازمت اختیار  کرناجائز  نہیں ۔کیونکہ خواتین کےنان نفقہ کی ذمہ  داری   شادی ہونے تک والد  ،دادا  وغیرہ  سرپرستوں پر ہوتی ہے ،شادی  ہونے کے بعد   شوہر کے ذمہ ہوتی  ہے ۔

اگر کسی  بیوہ ،مطلقہ یا  غریب  خاتون کے پاس  گذارے کے بقدر  خرچہ نہیں ہے ، تو  ایسی  صورت  میں  پردے  کی پابندی  کے  ساتھ  کوئی  ملازمت  بھی  اختیار کرسکتی  ہے ، تاہم اس میں یہ خیال رہےکہ مردوں سے بے محابا  اختلاط  بھی نہ  ہو  اس  ملازمت کی وجہ سے شوہر  کی خدمت اور  بچوں کی تربیت میں  خلل واقع نہ ہو ۔

باقی  یہ بات ہمارے خیال  میں درست نہیں  کہ آزادی نسواں  کی تحریک کا  مقصد، عورت کو محض   معاش کا قابل بنانا ہے  ،بلکہ اس تحریک میں  شامل لوگوں کے  قول وعمل  کو دیکھا جائے تو اس بات میں کوئی شک نہیں رہتا  کہ اس تحریک کا  مقصد دراصل  مسلمان عورتوں  کو خود مختار  اور خود کفیل بنانے کے نام  پر مغربی تہذیب میں  رنگنا  ہے ،اور مسلمان  عورت کو گھر کی چار دیواری  سے نکال  کر اس  مغربی آزادی  میں  مبتلاکرنا  ہے جس نے  اہل مغرب کے خاندانی نظام  کو تباہ کرکے رکھدیا ہے۔ اللہ تعالی  مسلمانوں کی  اس  پر فریب فتنے سے حفاظت  فرمائے ۔

{وَقَرْنَ فِي بُيُوتِكُنَّ وَلَا تَبَرَّجْنَ تَبَرُّجَ الْجَاهِلِيَّةِ الْأُولَى وَأَقِمْنَ الصَّلَاةَ وَآتِينَ الزَّكَاةَ وَأَطِعْنَ اللَّهَ وَرَسُولَهُ إِنَّمَا يُرِيدُ اللَّهُ لِيُذْهِبَ عَنْكُمُ الرِّجْسَ أَهْلَ الْبَيْتِ وَيُطَهِّرَكُمْ تَطْهِيرًا } [الأحزاب: 33]

  أحكام القرآن لابن العربي (6/ 352)                                                                                                                                                                           قوله تعالى : { وقرن في بيوتكن } يعني اسكن فيها ولا تتحركن ، ولا تبرحن منها ، حتى إنه روي ولم يصح أن النبي صلى الله عليه وسلم لما انصرف من حجة الوداع قال لأزواجه هذه ؛ ثم ظهور الحصر ؛ إشارة إلى ما يلزم المرأة من لزوم بيتها ، والانكفاف عن الخروج منه ، إلا لضرورة .

الدر المختار وحاشية ابن عابدين (رد المحتار) (3/ 612)

(وتجب) النفقة بأنواعها على الحر (لطفله) يعم الأنثى والجمع (الفقير) الحر،

 (قوله الفقير) أي إن لم يبلغ حد الكسب، فإن بلغه كان للأب أن يؤجره أو يدفعه في حرفة ليكتسب وينفق عليه من كسبه لو كان ذكرا، بخلاف الأنثى كما قدمه في الحضانة عن المؤيدية