سوال

نیک اور صالح رشتہ کے لیے قرآن وحدیث کی روشنی میں کوئی مستند وظائف بتادیں ؟

اَلجَوَابْ بِاسْمِ مُلْہِمِ الصَّوَابْ

اچھے اور مناسب رشتہ کے لیے صدقِ دل سے نمازوں کے بعداورتہجد و غروب کے وقت دعا مانگیں،اور صلاۃ الحاجات کا اہتمام کریں، نیز مندرجہ ذیل معمولات  میں سے کوئی ایک یا سب اختیار کرسکتے ہیں، تمام مُجرب وظائف ہیں ۔

•  ہر نماز بالخصوص فجر اور مغرب کے بعد سات سات مرتبہ  سورہ شعراءکی آیت {رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا} [الفرقان: 74]
•  }رَبِّ إِنِّی     لِمَاأَنزَلْتَ إِلَيَّ مِنْ خَيْرٍ فَقِيرٌ{ کا کثرت سے ورد کریں۔
• نمازِ عشاء  کے بعد اول وآخر گیارہ گیارہ مرتبہ درود شریف اوردرمیان میں گیارہ سومرتبہ ’’یاَلَطِیْفُ‘‘ پڑھ کراللہ تعالیٰ سے دعاکرنا بھی مجرب ہے۔
• صبح و شام ایک ایک مرتبہ سورہ واقعہ اور سورہ طارق روزانہ اس مقصد کے لیے پڑھنا بھی مجرب ہے۔
• يَا نَاصرُ   يَا عَزِيْزُ   يَا مُغْنِيْ   يَا صَمَدُ فجر اور مغرب کے بعداللہ تعالیٰ کے ان چار ناموں کو ایک سو گیارہ دفعہ پڑھ لیں  اور دعا کا اہتمام کریں ۔

.......