سوال

رخصتی سے پہلے میاں بیوی کا ازدواجی تعلق قائم کرنا شرعا کیسا ہے جبکہ دونوں میں صحیح نکاح منعقد ہوا ہو؟

اَلجَوَابْ بِاسْمِ مُلْہِمِ الصَّوَابْ

واضح رہے کہ رخصتی سے پہلے ازدواجی تعلق قائم کرنا شرعاًناجائز نہیں ہے۔ لیکن اگر نکاح لوگوں کے درمیان مشہور نہ ہو تو چونکہ ایسی صورت میں تہمت کا اندیشہ ہے، اس لیے احتیاط کرنی چاہیے، شریعت میں تہمت کی جگہوں سے بھی بچنے کا حکم دیا گیا ہے۔

مزید یہ کہ ہمارے معاشرے میں رخصتی سے پہلے ایسا کرنے کو معیوب سمجھا جاتا ہے اور بعض اوقات اس کی وجہ سے فساد کا بھی اندیشہ ہوتا ہے لہٰذا اس معاملے میں احتیاط سے کام لینا چاہیے۔

الفتاوى الهندية (1/ 270)

وأما أحكامه فحل استمتاع كل منهما بالآخر على الوجه المأذون فيه شرعا كذا في فتح القدير وملك الحبس وهو صيرورتها ممنوعة عن الخروج والبروز.

حاشية ابن عابدين (4-3/3)

 قوله ( أي حل استمتاع الرجل ) أي المراد أنه عقد يفيد حكمه بحسب الوضع الشرعي

 وفي البدائع أن من أحكامه ملك المتعة وهو اختصاص الزوج بمنافع بضعها وسائر أعضائها استمتاعا.