سوال

پچھلے دنوں کافی ڈپریشن میں تھی میرے شوہر نے کہا کہ ہمار ے نبیوں پر بہت مشکلات أئیں ،سب نے صبر کیا تم پریشان نہ ہو، میں نے کہا ہاں، لیکن ظاہری جسمانی بیماری اور ذہنی بیماری میں تو فرق ہوتا ہے،جب کہ ذہنی بیماری زیادہ خطرناک ہوتی ہے جس میں آپکو مسئلہ ہی سمجھ نہ آئے ۔ مجھے تو سمجھ ہی نہیں آتا کے مجھے کیا ہو گیا ہے؟ مجھے کیا مسئلہ ہے؟ یہ بات کہتے ہوئے،میرے دماغ میں حضرت یعقوب علیہ السلام کی بیماری تھی ،میرے شوہر کہتے ،کیا ہو گیا ؟ایسی باتیں نہیں کرتے!میں نے کہا" استغفرالله"میں غلط مطلب سے نہیں کہہ رہی اور اللہ سے معافی بھی مانگی ۔کیا یہ كلمات کفر یہ ہیں ؟

اَلجَوَابْ بِاسْمِ مُلْہِمِ الصَّوَابْ

حضرت یعقوب علیہ السلام کی کس بیماری کی طرف اشارہ ہے؟ معہذا صرف ذہن میں کسی بات کا ہونا ،جبکہ اس سے مقصد توہین نہ ہو اس سے کفر لازم نہیں آتا ،لیکن احتیاط بہر حال ضروری ہے۔

حوالہ جات

۔۔۔۔

نواب الدین

دار الافتاء جامعۃ الرشید کراچی

۲۸ربیع الثانی۱۴۴۴ھ

واللہ سبحانہ وتعالی اعلم