سوال

میری عمر52سال ہے،لیکن میں شکل وصورت کے اعتبارسے 35سال کی لگتی ہوں،میں گروپ میں عمرہ اداکرناچاہتی ہوں بغیرمحرم کے،کیامیرے لئے بغیرمحرم کے عمرہ کی کوئی گنجائش ہے؟

اَلجَوَابْ بِاسْمِ مُلْہِمِ الصَّوَابْ

عورت کے لئے شرعی مسافت کی بقدر(سواستتر کلومیٹر)یااس سے زیادہ مسافت والاسفربغیرمحرم اورشوہرکے کرناجائزنہیں، رسولِ کریم ﷺ نے فرمایا : اللہ تعالی اور آخرت کے دن پر ایمان رکھنے والی عورت کے لیے یہ بات جائز نہیں ہے کہ وہ تین راتوں کی مسافت کے بقدر سفر  کرے، مگر یہ کہ اس کے ساتھ اس کا محرم ہو،اس لئے صورت مسؤلہ میں آپ کے لئے بغیرمحرم کے عمرہ کے سفرپرجاناجائزنہیں ہے۔

حوالہ جات

سنن أبي داود للسجستاني (ج 2 / ص 74):

عن ابن عمر عن النبى -صلى الله عليه وسلم- قال: « لا تسافر المرأة ثلاثا إلا ومعها ذو محرم ».

محمد اویس

دارالافتاء جامعة الرشید کراچی

   ۲۳/رجب ۱۴۴۵ ھ

واللہ سبحانہ وتعالی اعلم