سوال

ظہر سے پہلے چاررکعت نماز قضائے عمری کی نیت سے پڑھے، نیت کرتاہوں تاکہ ادا کروں چار رکعت کہ کفایت کریں ان نمازوں کو جو مجھ سے فوت ہوچکی ہیں۔ ہر رکعت میں بعد از فاتحہ ایک بار آیت الکرسی پڑھے ، پھر انا اعطیناک الکوثر پندرہ دفعہ پڑھے۔ بی بی فاطمہ رضی اللہ عنہا نے کہا کہ یہ نماز چالیس سال کے قضاء نمازوں کے لیے کفایت کرے گی۔ اس کی کیاحقیقت ہے؟

اَلجَوَابْ بِاسْمِ مُلْہِمِ الصَّوَابْ

اس نماز کی بھی کوئی حقیقت نہیں اور بی بی فاطمہ کی طرف اس روایت کی نسبت بھی درست نہیں،بلکہ یہ منگھڑت روایت ہے علامہ عبد الحی لکھنوی رحمہ اللہ تعالی نے اپنے رسالہ "ردع الاخوان عن محدثات آخر جمعۃ رمضان" میں اس قسم کی متعدد روایات کو نقل فرماکر ان کی کلی تردید فرمائی ہے اور لکھا ہے اس قسم کی نماز کی کوئی شرعی حیثیت نہیں۔

۔۔۔۔۔