سوال

زید نے ایک مطلقہ سے نکاح کیا جو تقریبا دو ماہ تک رہا،اس کے بعد زید نے اسے طلاق دے دی،لیکن ان دو مہینوں کے دوران ان کا جسمانی تعلق قائم نہیں ہوا،ان پر کسی کا کوئی دباؤ بھی نہیں تھا،کیا یہ مطلقہ اب اپنے پہلے والے شوہر سے نکاح کرسکتی ہے؟

اَلجَوَابْ بِاسْمِ مُلْہِمِ الصَّوَابْ

اگر پہلے شوہر نے اس عورت کو طلاق مغلظہ(تین طلاقیں) دی تھی تو اب بھی یہ سابقہ شوہر سے دوبارہ نکاح نہیں کرسکتی،کیونکہ طلاق مغلظہ کے بعد پہلے شوہر سے نکاح کی حلت کے لئے دوسرے شخص سے فقط نکاح کرلینا کافی نہیں،بلکہ ہمبستری شرط ہے،جو مذکورہ صورت میں نہیں پائی گئی۔ تاہم اگر پہلے شوہر نے طلاق مغلظہ نہیں دی تھی تو پھر عدت گزارنے کے بعد سابقہ شوہر سے نکاح جائز ہوگا۔

"بدائع الصنائع "(3/ 188):

"ومنها الدخول من الزوج الثاني، فلا تحل لزوجها الأول بالنكاح الثاني حتى يدخل بها، وهذا قول عامة العلماء".

"الدر المختار " (3/ 409):

" (وينكح مبانته بما دون الثلاث في العدة وبعدها بالإجماع) ومنع غيره فيها لاشتباه النسب (لا) ينكح (مطلقة) من نكاح صحيح نافذكما سنحققه (بها) أي بالثلاث (لو حرة وثنتين لو أمة) ولو قبل الدخول، وما في المشكلات باطل، أو مؤول كما مر (حتى يطأها غيره ولو) ".