سوال

وراثت میں والد صاحب نے ایک گھر چھوڑا ہے جو دونوں بھائی نصف نصف لینا چاہتے ہیں،ایک بھائی کے حصے میں کارنر کا حصہ آرہا ہے،جبکہ دوسرے کے حصے میں اندر والا،کیا یہ دونوں ساری رقم ادا کریں گے یا کارنر کی وجہ سے قیمت پر فرق پڑے گا؟

اَلجَوَابْ بِاسْمِ مُلْہِمِ الصَّوَابْ

اصولی طور پر جو بھائی گھر کا جو حصہ لینا چاہتا ہے اس کے ذمے اس حصے کی موجودہ قیمتِ فروخت لازم ہوگی،لہذا اگر کارنر والے حصے کی قیمت زیادہ ہے جیسا کہ عموما ہوتی ہے تو کارنر کا حصہ لینے والے بھائی کو اس کے حساب سے قیمت کی ادائیگی کرنی پڑے گی،تاہم اس مکان میں چونکہ ان دونوں بھائیوں کا بھی بطورِ وارث حصہ موجود ہے،اس لئے ان کا اس مکان جتنا حصہ بنتا ہے اس کے بقدر قیمت ان کے ذمے لازم نہیں ہوگی۔

...............