سوال

ایک بندہ جس نےحلفیہ بیان دے کر جھوٹی گواہی دی تھی کہ فلاں بندہ اپنی والدہ کا اکلوتا بیٹا ہے، اور اس بیٹے کے علاوہ اس کا کوئی وارث نہیں، جبکہ اس والدہ کی ایک اور بیٹی بھی ہے ۔ اس گواہ کے جھوٹے بیان پر زرعی زمین کی ہبہ بنائی جاتی ہے۔ حلفیہ بیان کی گواہی کہ علاوہ وہی بندہ ہبہ کی گواہی میں بھی گواہ ہے۔ اب سرکاری سطح پر ثابت ہوگیا ہے، کہ بیٹی کو پراپرٹی سے محروم کرنے کے لیے یہ جھوٹے بیان دلوائے گئے تھے۔ اب سوال یہ ہے کہ شریعت ایسے بندے کے بارے میں کیا کہتی ہے، جس نے ایک جھوٹا بیان دیا اور وہ جھوٹا بھی ثابت ہوا، کیا ایسے بندے کی کسی اور جگہ گواہی قبول ہوگی۔

اَلجَوَابْ بِاسْمِ مُلْہِمِ الصَّوَابْ

جھوٹی گواہی دینا کبیرہ گناہوں میں سے بڑا گناہ ہے۔احادیث میں اسے شرک کے برابر گناہ قرار دیا گیا ہے،حلف اٹھا کر جھوٹ کہنے سے اس گناہ کی نحوست مزید بڑھ جاتی ہے۔ جھوٹی گواہی دینے والےکوچاہیے کہ اپنے کئے پر نادم ہو ،سچے دل سے توبہ کرے ،کثرت سے استغفار کرے اور آئندہ کے لئے جھوٹی گواہی نہ دینے کا پختہ عزم کرے۔

فی الحال تو  اس کی گواہی قبول نہیں ہوگی، البتہ  اگر سچے دل سے توبہ کر لے اور اس پر اتنا وقت گزر جائے کہ اس کی توبہ کےاثرات ظاہر ہو جائیں  تواس کی شہادت قبول کی جائےگی۔

سنن أبي داود(3/ 220):

حدثنا محمد بن الصباح البزاز، حدثنا يزيد بن هارون، أخبرنا هشام بن حسان، عن محمد بن سيرين، عن عمران بن حصين، قال: قال النبي صلى الله عليه وسلم: «‌من ‌حلف ‌على ‌يمين ‌مصبورة ‌كاذبا فليتبوأ بوجهه مقعده من النار

سنن أبي داود (3/ 305):

حدثني يحيى بن موسى البلخي، حدثنا محمد بن عبيد، حدثني سفيان يعني العصفري، عن أبيه، عن حبيب بن النعمان الأسدي، عن خريم بن فاتك، قال : صلى رسول الله صلى الله عليه وسلم صلاة الصبح، فلما انصرف قام قائما، فقال: «‌عدلت ‌شهادة ‌الزور ‌بالإشراك ‌بالله» ثلاث مرار، ثم قرأ "فاجتنبوا الرجس من الأوثان واجتنبوا قول الزور حنفاء لله غير مشركين به"۔

الموسوعة الفقهية الكويتية»(26/ 252):

وإذا تاب شاهد الزور ومضت على ذلك مدة ظهرت فيها توبته، وتبين صدقه وعدالته: قبلت شهادته عند الحنابلة وبه قال أبو حنيفة  والشافعي