سوال

ٹوٹی ہوئی کنگھی کو استعمال کرنے کا شرعی حکم کیا ہے؟

اَلجَوَابْ بِاسْمِ مُلْہِمِ الصَّوَابْ

ضرورت کے وقت ٹوٹی ہوئی کنگھی استعمال کرنا جائز ہے ،البتہ  اگر ٹوٹی کنگھی استعمال کرنے کی صورت میں زخم  ہونے کا اندیشہ ہوتوپھر  اس کےاستعمال سے اجتناب  کرنا چاہیے۔ٹوٹی کنگھی  استعمال کرنے سے متعلق عوام میں  جو یہ بات مشہور ہے کہ اس سےغربت  آتی ہے ،سراسر بے اصل ہے۔اس بارے میں ایک روایت بھی پیش کی جاتی ہے: "جس نے ٹوٹی ہوئی کنگھی استعمال کی ، اس پر اللہ تعالیٰ فقروفاقہ کے ستر دروازے کھول دیتے ہیں " ۔لیکن اس  روایت کو نقاد حدیث نے  من گھڑت قراردیا  ہے۔رسول اللہ صلی اللہ علیہ وسلم سے یہ حدیث کسی صحیح سند سے  منقول نہیں ہے۔

ومنها: الأحاديث الموضوعة........ ومنها قولهم: " من كتب بقلم معقود، وتمشط بمشط مكسور، فتح الله تعالى عليه سبعين بابا من الفقر ".( الموضوعات للصغاني:40:42)

"‌من ‌كتب بقلم مقصور وتمشط ‌بمشط مكسور، فتح الله عليه سبعين بابا من الفقر.قال الصغاني موضوع". (كشف الخفاء ومزيل الإلباس2:/2576:272)