سوال

میرے دادانے کسی عذرکی وجہ سےمیرے والدکوجائیداد سے عاق کیا اورباقاعدہ طورپراخبارمیں اشتہاردیا،بعدازاں میرے داداکاانتقال ہوگیا اوراس کے بعدمیرے تایااورمیرے والدبھی انتقال کرگئے،اب میرے تایازادبھائیوں نے ہمیں وراثت میں حصہ دینے سے انکارکردیاہے اوروراثت کاحصہ آپس میں تقسیم کرلیا،سوال یہ ہے کہ کیاشرعی طورپرہم وراثت کے حق دار ہیں یانہیں؟

اَلجَوَابْ بِاسْمِ مُلْہِمِ الصَّوَابْ

وراثت شریعت کا مقرر کردہ حق ہے، جو کسی کے ساقط کرنے سے ساقط نہیں ہوسکتا، لہٰذا صورتِ مسئولہ میں اگر دادانے آپ کے والدکواپنی وراثت سے محروم کردیاتھاتوشرعی طورپراس کی کوئی حیثیت نہیں، شرعی طور پران کا جتنا حصہ بنتا ہے، وہ اس کے مستحق  تھے،مرحوم کی وفات کے بعداس حصہ میں ان کی اولاد کاحق ہےاوراولادکےلئے اس کامطالبہ کرناجائز ہے۔

فی تكملة رد المحتار (ج 2 / ص 116):

الارث جبري لا يسقط بالاسقاط.