سوال

اگر کوئی شخص اس نیت سےگھر اور کاروباری زمین  میں سے  بیٹیوں کو  حصہ نہ دے کہ تقسیم کے بعد اکھٹے ایک جگہ رہائش اور کاروبار کی وجہ سے بیٹوں اور دامادوں  کے درمیان اتفاق قائم نہیں رہ سکے گا ، آپس میں ناچاقیاں ہوں گی،کیا اس نیت سے بیٹیوں کو تقسیم سے محروم کرنا درست ہے؟

اَلجَوَابْ بِاسْمِ مُلْہِمِ الصَّوَابْ

زندگی میں جائیداد کی تقسیم کے بیان کردہ طریقے کو مدنظر رکھتے ہوئے ہر ایک کے ساتھ انصاف کرنا ضروری ہے۔بیٹیوں کا بھی ایسا ہی حق ہے جیسا  بیٹوں کاہے، لہذا بیٹیوں کو  تقسیم سے محروم کرنا   نا انصافی اور حق تلفی ہے، ایسی غیر منصفانہ تقسیم کرنے سے والد گناہ گار ہوگا ۔جو وجہ آپ نے بتائی وہ کوئی ایسی وجہ نہیں کہ جس کی وجہ سے کسی کو  جائیداد کے حصے سے محروم کر دیا جائے،اس کاحل یہ بھی ہو سکتا ہے کہ بیٹیوں کو نقد شکل میں ان کے حصے کے برابر رقم دے دیں،یا جائیداد کے علاوہ سامان ،اشیاء وغیرہ دے دیں ۔ بالکل محروم کرنا جائز نہیں۔

حاشية ابن عابدين (4/ 444):

فالعدل من حقوق ‌الأولاد في العطايا والوقف عطية فيسوي بين الذكر والأنثى، لأنهم فسروا العدل في ‌الأولاد بالتسوية في العطايا حال الحياة. وفي الخانية ولو وهب شيئا لأولاده في الصحة، وأراد ‌تفضيل البعض على البعض روي عن أبي حنيفة لا بأس به إذا كان التفضيل لزيادة فضل في الدين وإن كانوا سواء يكره وروى المعلى عن أبي يوسف أنه لا بأس به إذا لم يقصد الإضرار وإلا سوى بينهم وعليه الفتوى، وقال محمد: ويعطي للذكر ضعف الأنثى