سوال

مرحوم کے ورثہ کی تفصیل :

1. بیوہ (1)
2. بھائی( 4) تین  بھائی انتقال کر گئے (تینوں کاانتقال  رضوان علی خان کےبعد ہوا)اب ایک بھائی حیات ہے ۔
3. بہن  ( 4) دو بہنیں  انتقال کر گئیں،اب دوبہنیں حیات ہیں۔
4. والدین پہلےہی انتقال کرچکےہیں۔
5. ایک لےپاک (متبنی)،اس کی بیوی اورایک بیٹی ۔
6. مرحوم کے بہن بھائیوں کےبیٹے بیٹیاں  بھی موجود  ہیں۔

مذکورہ معلومات کی روشنی میں قرآن و سنت کی رو سے مرحوم  کے ترکہ میں  کس کا کتنا حق بنے گا ؟

برائے مہربانی اس کا فتوی جاری  فرمادیں، اللہ پاک آپ کو اس کی جزاء خیر عطا فرمائے گا ۔

اَلجَوَابْ بِاسْمِ مُلْہِمِ الصَّوَابْ

موجودہ صورت میں مکان کاپورشن جس میں رہائش ہےوہ مرحوم کی میراث کےطورپرتقسیم ہوگا۔

مرحوم کی وفات کےوقت موجود ورثہ (بیوہ،چاربھائی  اوردوبہنوں) میں میراث تقسیم  کی جائےگی۔

بہن بھائیوں  کی اولادکامیراث میں کوئی حصہ نہیں ہوگا۔

 تقسیم کاطریقہ یہ ہوگاکہ مرحوم کی بیوہ (آپ )کوکل میراث کاچوتھائی حصہ ملےگااورباقی میراث مرحوم کےبہن بھائیوں میں تقسیم ہوگی ،چاربھائیوں میں سےہرایک کودودوحصےاورہربہن کوایک ایک حصہ دیاجائےگا۔

فیصدی اعتبارسےتقسیم کیاجائےتو کل میراث کا 25%فیصدآپ کو ملےگااورباقی 75%فیصدمرحوم کےبہن بھائیوں میں تقسیم ہوگا،چاروں بھائیوں میں سےہربھائی  کو 15%فیصداوربہن کو 7.5%فیصد حصہ ملےگا۔نوٹ:3بھائی جومرحوم کےبعد فوت ہوئےہیں ،چونکہ میراث میں ان کابھی حصہ تھا،اس  لیےمرحوم رضوان علی خان کی میراث میں ان  تین بھائیوں کاحصہ ان کی اولاد کودیاجائےگا۔

مرحوم کی دوبہنیں چونکہ مرحوم سےپہلےفوت ہوگئی  تھیں،اس لیےان کامرحوم کی میراث میں کوئی حصہ نہیں ہوگا۔

"تفسير ابن كثير" 2 / 482:وَإِنْ كَانُوا إِخْوَةً رِجَالًا وَنِسَاءً فَلِلذَّكَرِ مِثْلُ حَظِّ الْأُنْثَيَيْنِ يُبَيِّنُ اللَّهُ لَكُمْ أَنْ تَضِلُّوا وَاللَّهُ بِكُلِّ شَيْءٍ عَلِيمٌ (176)