سوال

 دراز ایپ پر گیم کھیل کر کچھ پوائنٹس حاصل کیے جاتے ہیں،جن سے پھر قیمتوں میں ڈسکاؤنٹ ملتا ہے،ایسی گیمز کھیلنا کیسا ہے؟

اَلجَوَابْ بِاسْمِ مُلْہِمِ الصَّوَابْ

عمومی طور پرگیمز کھیلنے میں موجود خرابیوں کے باعث اسے کھیلنا جائز نہیں ہے، دنیوی طور پرمختلف قسم کی نفسیاتی اورذہنی امراض اور دینی اعتبارسےفرائض کی ادائیگی میں غفلت ہوجاتی ہے،تاہم اگر کوئی دینی یا دنیوی فائدہ ہو،مثلا کچھ وقت کےلیے نشاط مطلوب ہو،نیز اس میں کوئی عبث کام یا غیر شرعی امور کا ارتکاب نہ کیا جاتا  ہو۔ مثلا تصاوير، موسیقی، جوا  وغیرہ۔ اسی طرح کھیلنے میں اتنا غلو نہ کیا جائے  کہ جس سے شرعی فرائض میں کوتاہی یا غفلت پیدا ہوتو اس کی گنجائش ہے،لیکن آج کل  گیم کھیلنےوالااس طرح  سے گیم کاعادی بن جاتاہے کہ بسا اوقات ان شرائط کی رعایت رکھنا مشکل ہوجاتا ہے ،اس لیے بہرحال ایسی گیمز  کھیلنا کراہت سے خالی نہیں ہے۔