سوال

مرحومہ(سرکاری ملازم) کی وفات کے بعدترکہ میں اور گورنمنٹ کی طرف سے ملنے والی مراعات کا شوہر حق دار ہوگا یا نہیں؟شوہر نے چونکہ اب  دوسری شادی کرلی ہے تو کیا شوہر دوسری شادی کرنے کے بعد بھی حق دار ہے یا نہیں ؟شریعت کے مطابق مکمل وضاحت سے رہنمائی فرمادیں ۔

اَلجَوَابْ بِاسْمِ مُلْہِمِ الصَّوَابْ

شوہر اگردوسری شادی کرلے خواہ پہلی بیوی کی زندگی میں یا اس کی وفات کے بعد،تب بھی وہ اپنی پہلی بیوی کی وفات کی صورت میں اس کا شرعی وارث شمار ہوگا،بشرطیکہ متوفیہ وفات کے وقت اس کےنکاح میں ہو،لہٰذا متوفیہ کے ترکہ میں شوہر اپنے شرعی حصے کے مطابق حق دار ہوگا،اسی طرح گورنمنٹ کی طرف سے ملنے والے ان تمام عطایا کا بھی حق دار ہوگا جوگورنمنٹ شوہر کو جاری کرچکی ہے یا کرے گی۔

الفقه الإسلامي وأدلته (10/ 372)

الإرث لغة: بقاء شخص بعد موت آخر بحيث يأخذ الباقي ما يخلفه الميت. وفقهاً: ما خلفه الميت من الأموال والحقوق التي يستحقها بموته الوارث الشرعي.

الأشباه والنظائر - حنفي (ص: 331)

العطاء لا يورث كذا في صلح البزازية.