سوال

کیا میتوں  کا کوئی حصہ وراثت کی تقسیم سے قبل  صدقہ و خیرات کی نیت سے الگ کرنا بھی ضروری ہے؟ اگر ضروری ہے تو وہ حصہ ان کے پوتوں اور پوتیوں کو دیا جاسکتا ہے؟

اَلجَوَابْ بِاسْمِ مُلْہِمِ الصَّوَابْ

اگر والدہ نے ایسی کوئی وصیت کی ہو تو پھر توتہائی مال تک ورثا کے ذمے اس کے مطابق عمل کرنا لازم ہے،لیکن اگر انہوں نے ایسی کوئی وصیت نہیں کی تو پھر تقسیم سے پہلے ترکہ کا کچھ حصہ بطور صدقہ نکالنا لازم نہیں،تاہم اگر تمام ورثا عاقل بالغ ہوں اور باہمی رضامندی سے ان کے ایصال ثواب کے لئے ایسا کرنا چاہیں تو اس میں بھی کوئی حرج نہیں،بلکہ مرحوم والدین کے حق میں بہتر ہے۔

اور پوتے پوتیوں کے ضرورت مند ہونے کی صورت میں یہ رقم انہیں بھی دی جاسکتی ہے۔

"الدر المختار " (6/ 760):

" (ثم) تقدم (وصيته) ولو مطلقة على الصحيح خلافا لما اختاره في الاختيار (من ثلث ما بقي) بعد تجهيزه وديونه".