سوال

اسلامی بینکوں کی جانب سے پیش کیے جانے والےعقدمشارکہ متناقصہ  کی تفصیلات اوراس کی شرعی بنیاد کیا ہے؟

اَلجَوَابْ بِاسْمِ مُلْہِمِ الصَّوَابْ

اسلامی بینکاری میں عموما مکانات کی تحویل (house financing) کے لیے شرکت متناقصہ کے  طریقے کو اختیار کیا جاتاہے۔ جس کا حاصل یہ ہے کہ سب سے پہلے اسلامی بینک اور کلائمنٹ مشتر کہ رقم سے ایک مکان خریدتے ہیں اور دونوں اس مکان میں شریک ہو جاتے ہیں۔ پھر بینک کے حصے کو مختلف یونٹس میں تقسیم کیا جاتا ہے اور کلائنٹ مختلف اوقات میں بینک کے حصے کا ایک ایک یونٹ خرید تا جاتا ہے، جس کے نتیجے میں کلائنٹ کا حصہ مکان میں بڑھتا جاتا ہے اور بینک کا حصہ کم ہوتا جاتا ہے۔ بینک کے حصے کے جتنے یو نٹس ابھی تک کلائنٹ نے نہیں خریدے ، ان حصوں کو کلائنٹ اپنے استعمال میں لاتا ہے اور اس کے بدلے بینک کو کرایہ ادا کرتا ہے ،چونکہ  یونٹس کی خریداری کی وجہ سے بینک کا حصہ کم ہوتا جاتا ہے ، اس لیے کرایہ میں بھی اسی تناسب سے کمی ہوتی رہتی ہے۔

مزیدتفصیل کےلیےدرج ذیل کتابوں کامطالعہ ان شاء اللہ تعالیٰ مفیدرہےگا:

1. اسلامی اورسودی بینکاری میں فرق( مولانااعجازاحمدصمدانی صاحب)
2. اسلامی بینکاری کی بنیادیں(شیخ الاسلام مفتی محمد تقی عثمانی صاحب)
3. اسلامی بینکاری  تاریخ وپس منظراورغلط فہمیوں کاازالہ(شیخ الاسلام مفتی محمدتقی عثمانی صاحب)

المعاییر الشرعیۃ(رقم12):

 :1المشاركة المتناقصة عبارة عن شركة يتعهد فيها أحد الشركاء بشراء حصة الآخر تدریجیا إلى أن يتملك المشتري المشروع بكامله، ولا بد أن تكون الشركة غير  مشترط فيها البيع والشراء، وإنما يتعهد الشريك بذلك بوعد منفصل عن الشركة،وكذلك يقع البيع والشراء بعقد منفصل عن الشركة، ولا يجوز أن يشترط أحدالعقدين في الآخر.