سوال

       میں  دبئی میں گورنمنٹ ملازمت کرتا ہوں ،میری بیٹی کی عزت میرے بھائی سے محفوظ نہیں ۔میرے والدین مجھے باہر کرائے کے مکان میں رہنےکی اجازت نہیں دیں گے،مجھے کیاکرنا چاہیے؟

اَلجَوَابْ بِاسْمِ مُلْہِمِ الصَّوَابْ

اگر بچی کی عزت مشترکہ گھر میں محفوظ نہیں اور والدین سمجھانے کے باوجود بھی دوسرےگھر میں  رہنے کی اجازت نہیں دیتے تو والدین  کی اجازت کے بغیربھی  آپ کرایہ کے گھر کا انتظام کرسکتے ہیں،شرعًا آپ کو اس معاملہ میں والدین کی بات نہ ماننے سے کوئی گناہ نہیں ہوگا،کیونکہ شریعت  نے  گناہ کے کام میں مخلوق کی اطاعت  نہ   کرنے کا حکم فرمایاہے۔البتہ کرایہ کے گھر میں منتقل ہونے کے بعد والدین سے قطع تعلق نہیں کرنا چاہیے اورجائز امور میں   ان کے ساتھ تعاون کرنے  میں کوتاہی نہیں کرنی چاہیے۔

أخرج الإمام الترمذي رحمہ اللہ تعالٰی عن ابن عمررضي اللہ  تعالٰی عنہ ، قال: قال رسول  اللہ صلى اللہ عليه وسلم: السمع والطاعة على المرء المسلم فيما أحب وكره، ما لم يؤمر بمعصية، فإن أمر بمعصية فلا سمع عليه ولا طاعة.وفي الباب عن علي، وعمران بن حصين، والحكم بن عمرو الغفاري.وهذا حديث حسن صحيح.(سنن ترمذي:325/3،رقم الحدیث:(1707