سوال

ہمارے بھائی نے ہمارے والد محترم کی وفات کے بعد تین کھیت فروخت کئے ہیں،ہر سال فصل کاشت کرتے ہیں اور درخت بھی کاٹتے ہیں،اس میں ہمارے حصہ کے بارے میں شرعی حکم کیا ہے؟

اَلجَوَابْ بِاسْمِ مُلْہِمِ الصَّوَابْ

کسی بھی وارث کے لیے دیگر ورثاء کی اجازت کے بغیر مشترکہ ترکہ کو استعمال کرنا یا اس میں سے کچھ حصہ فروخت کرنا ہرگز جائز نہیں، قرآن وسنت میں اس پر سخت وعیدیں آئی ہیں، لہذا صورتِ مسئولہ میں آپ کے بھائی کے لیے آپ بہنوں کو حصہ دیے بغیر ترکہ کے سامان کو فروخت کرنا ناجائز اور کبیرہ گناہ ہے۔

مسند أحمد (2/ 291):

عن سعيد بن زيد بن عمرو عن النبي - صلى الله عليه وسلم -، قال ابن نمُير: سمعت رسول الله - صلى الله عليه وسلم - قال: "من أخذ شبرًا من الأرض ظلماً طُوِّقه يومَ القيامة إلى سبع أَرَضين"، قال ابن نمير: "من سَبع أرضين".