سوال

سوال: اگر کوئی شخص ماہ رمضان میں رات کو سفر کی نیت کر لے اور صبح صادق سے پہلے سفر پر روانہ نہ ہو، تو اس کے لیے روزے کا کیا حکم ہے؟

اَلجَوَابْ بِاسْمِ مُلْہِمِ الصَّوَابْ

اگر کوئی شخص رمضان میں صبح صادق کے بعد سفر پر روانہ ہوتا ہے، تو چونکہ وہ روزہ شروع ہونے کے وقت مقیم تھا، اس لیے اسے روزہ چھوڑنے کا اختیار نہیں ہے،عام حالات میں اس پر لازم ہےکہ اس روزہ کو پورا کرے۔الا یہ کہ بھوک یا پیاس کی شدت سے وہ بے حال ہوجائے اورروزہ باقی رکھنا ممکن نہ رہے، تو ایسے میں افطار کی گنجائش ہوگی بہرحال اگر کوئی سفر میں ایسے عذر کے بغیر بھی اپنا روزہ افطار کرلے تواس پرکفارہ لازم نہ ہوگا وہ صرف اس روزے کی قضا کرے گا۔

 یاد رہے کہ سفر  صبح صادق سے پہلے شروع کرنے کی صورت میں روزہ چھوڑ سکتے ہیں،محض صبح صادق سے پہلے سفر شروع کرنے کی نیت کرلینے سے روزہ چھوڑنے کی اجازت نہیں ہے۔

 (الباب الخامس في الأعذار التي تبيح الإفطار) . (منها السفر) الذي يبيح الفطر وهو ليس بعذر في اليوم الذي أنشأ السفر فيه كذا في الغياثية. فلو سافر نهارا لا يباح له الفطر في ذلك اليوم، وإن أفطر لا كفارة عليه .(الفتاوى الهندية:1/ 206)

قال العلامۃ ابن نجیم رحمہ اللہ :وكذا لو نوى المسافر الصوم ليلاً وأصبح من غير أن ينقض عزيمته قبل الفجر ثم أصبح صائماً لا يحل فطره في ذلك اليوم، ولو أفطر لا كفارة عليه.(البحر الرائق:2/ 312)