سوال

سوال: کیا میت کا چہرہ دیکھنا جائز ہے؟ ہمارے بعض دیہاتوں میں رشتہ دار میت کا چہرہ دیکھتے ہیں ۔ اس بارے میں شرعی کیا حکم ہے؟

اَلجَوَابْ بِاسْمِ مُلْہِمِ الصَّوَابْ

نمازِ جنازہ سے پہلے میت کا چہرہ مردوں اور  محرم  عورتوں کے لیے نیز عورت کا چہرہ عورتوں اور محرم  مردوں کے لیے دیکھنا جائز ہے بشرطیکہ اس سےتدفین میں تاخیر لازم نہ آئےاور اس کو ثواب کا کام بھی نہ سمجھا جائے۔

قال جمع من العلماء رحمہم اللہ: ولا بأس بأن ‌يرفع ‌ستر ‌الميت، ليرى وجهه ،وإنما يكره ذلك بعد الدفن .

(الفتاوى الهندية:5/351)

قال العلامۃ فرید الدین الدھلوی رحمہ اللہ:و فی الیتیمۃ:سألت یوسف بن محمد  عمن یرفع الستر عن وجہ المیت لیراہ،قال:لابأس بہ.(الفتاوی التاتارخانیۃ:3/78)