سوال

میرے بھائی امجد خان نے 2015ء میں ہم سے کچن اور حساب کتاب الگ کیا۔ انہوں نے 2017ء میں اپنی ذاتی آمدنی سے ایک پلاٹ خرید کر اس پر گھر تعمیر کیا، جو آج بھی ان کی ملکیت میں ہے اور وہ اس کا کرایہ وصول کرتے ہیں۔ کیا ہم دیگر بھائی امجد خان کے گھر میں شراکت داری کا دعویٰ کر سکتے ہیں؟

اَلجَوَابْ بِاسْمِ مُلْہِمِ الصَّوَابْ

ہر آدمی اپنی ذاتی کمائی کا مالک ہوتا ہے، لہٰذا امجد خان کا مذکورہ گھر ان کی ذاتی ملکیت ہے، اور دیگر بھائی اس گھر میں کسی بھی قسم کی شراکت داری کا دعویٰ نہیں کر سکتے۔

واضح رہے کہ محض بھائی ہونے کی بنیاد پر، ایک بھائی دوسرے بھائی کے مال کا حق دار نہیں بن سکتا۔

أخرج الإمام البخاري رحمہ اللہ  عن سالم، عن أبيه رضي  اللہ عنہ، قال: قال النبي صلى اللہ عليه وسلم: من أخذ من الأرض شيئًا بغير حقه ،خسف به يوم القيامة إلى سبع أرضين.(البخاري:439/2،رقم  الحدیث:(2454

و في الرد علی الدر:61/4

"‌لا ‌يجوز ‌لأحد من المسلمين أخذ مال أحد بغير سبب شرعي."

العقود الدرية في تنقيح الفتاوى الحامدية  17,18/2:

(أقول) وفي الفتاوى الخيرية سئل في ابن كبير ذي زوجة وعيال له، كسب مستقل حصل بسببه أموالا ومات هل هي لوالده خاصة أم تقسم بين ورثته أجاب هي للابن تقسم بين ورثته على فرائض الله تعالى حيث كان له كسب مستقل بنفسه."