سوال

رمضان میں حیض کے ختم ہونے پر میں نے غسل کر کے نماز اور روزے شروع کیے، مگر کبھی کبھار آف وائٹ(مٹیالے رنگ) سا پانی آتا تھا۔ میں نے ٹشو سے چیک بھی کیا، اور بعد میں سنا کہ اندرونی طور پر چیک کرنے سے روزہ ٹوٹتا ہے۔ اب میں اندازے سے 10روزے قضا کرنا چاہتی ہوں۔ کیا یہی کافی ہے یا کفارہ بھی دینا ہوگا؟

اَلجَوَابْ بِاسْمِ مُلْہِمِ الصَّوَابْ

واضح رہے کہ روزہ کی حالت میں شرمگاہ میں ٹشو رکھنا ،یا کپڑا رکھ دینے سے روزہ نہیں ٹوٹتا اور  روزہ بدستور برقرار رہتا ہے۔ آپ کے ذمہ اتنے ہی روزوں کی قضاء کرنا باقی ہے جتنے روزے ماہواری کی وجہ سے نہیں رکھ پائیں تھی۔

حاشية ابن عابدين = رد المحتار ط الحلبي (2/ 397):

ولو أدخلت قطنة إن غابت فسد وإن بقي طرفها في فرجها الخارج لا.