سوال

اگرکبھی  جسم پر آٹا، کلر یا کوئی ٹھوس چیز لگ  جائے تو اسے کس حد تک ہٹانا ضروری ہے؟ کیا اچھے طریقے سے صابن سے دھو لینا یا کلر کو تھنر/ Thinner وغیرہ کے ذریعے اوپر اوپر سے صاف کرنا کافی ہے، یا ٹارچ لائٹ وغیرہ سے اس کے مکمل زائل ہونے  کا یقین  حاصل کرناضروری ہے؟

اَلجَوَابْ بِاسْمِ مُلْہِمِ الصَّوَابْ

جسم پر آٹا، کلر یا کوئی ٹھوس چیز لگ  جائے تو اسے کھرچ کر ہٹا دینا یا   Thinnerیعنی  چپکنے والے مادوں کو ہلکا کرنے والے  کیمکل محلول وغیرہ سے صاف کرکے صابن سے دھولینا کہ جلد تک پانی پہنچنے میں کوئی  رکاوٹ  نہ رہے،یہ کافی ہے،باقی  ٹارچ لائٹ سے اس کے مکمل زائل ہونے  کا یقین  حاصل کرناضروری نہیں ہے  ۔

الدر المختار وحاشية ابن عابدين (رد المحتار:1/ 154):

وكذا دهن ودسومة (وتراب) وطين، ولو (في ظفر مطلقا) أي قرويا أو مدنيا في الأصح بخلاف نحو عجين.(و) لا يمنع (ما على ظفر صباغ و) لا (طعام بين أسنانه) أو في سنه المجوف به يفتى. وقيل إن صلبا منع، وهو الأصح.