سوال

ہم میاں بیوی میں لڑائی ہو رہی تھی۔میں نےطلاق کا مطالبہ کیا تو میرے شوہر نے جواب میں یوں کہا:’’ آدھے گھنٹے میں ان شاء اللہ فیصلہ ہوجائے گا،ابھی ساڑھے پانچ ہو رہے ہیں  چھ بجے تک رشتہ ختم ہوجائے گا،تم جو چاہتی ہو وہ ہوجائے گا۔‘‘کیا اس سے طلا ق واقع ہوجاتی ہے؟

وضاحت:شوہر کا بیان ہے کہ میرا مقصد صرف بیوی کو ڈرانا تھا ،اس کے علاوہ میری کوئی نیت نہیں تھی۔

اَلجَوَابْ بِاسْمِ مُلْہِمِ الصَّوَابْ

 صورت مسئولہ میں بظاہرشوہر نے بیوی کے مطالبہ طلاق پر مستقبل  میں طلاق دینے کا وعدہ کیا ہے، چونکہ محض وعدہ کرنے سے طلاق واقع نہیں ہوتی، اسلئے بظاہر طلاق واقع نہیں ہوئی ، البتہ چھ بجے تک رشتہ ختم ہوجائے گا سے اگر شوہر کی نیت اس وقت کے ساتھ طلاق کو معلق کرنا تھاتو ایسے میں ایک طلاق بائن واقع ہوجائے گی۔

الفتاوى العالمكيرية = الفتاوى الهندية (1/ 384):

في المحيط لو قال بالعربية ‌أطلق لا يكون طلاقا إلا إذا غلب استعماله للحال.

بدائع الصنائع في ترتيب الشرائع (3/ 133):

فإن قال لامرأته: أنت طالق ‌غدا أو رأس شهر كذا أو في غد صح لوجود الملك وقت الإضافة، والظاهر بقاؤه إلى الوقت المضاف إليه فصحت الإضافة ثم إذا جاء غد أو رأس الشهر فإن كانت المرأة في ملكه أو في العدة أو في أول جزء من الغد والشهر يقع الطلاق وإلا فلا كما في التعليق.