سوال

السلام علیکم کیا فرماتے ہیں مفتیان کرام ایک بندہ کہتا کہ جمعہ کی جماعت میں وضو ٹوٹ گیا پہلی صف میں تھا وضو نا کر سکا تو اب اس نے ظہر پڑھنی ہے یا جمعہ کی جماعت جو درمیان میں رہ گئ ہے والسلام فیصل اصغر

اَلجَوَابْ بِاسْمِ مُلْہِمِ الصَّوَابْ

اگر کسی اور مسجد میں جمعہ کی جماعت میں شریک ہونا ممکن ہو تو اس میں شریک ہوکر جمعہ کی نماز ادا کرنا ضروری ہے۔اور اگر جماعت نہ ملے تو ظہر کی  چاررکعات نماز ادا کرنا ہوگی ۔ یاد رہے کہ جمعہ کی نماز انفرادی طورپر  ادا نہیں ہوتی اور نہ ہی اس کی انفرادی طورپر قضا کی جاسکتی ہے۔

الهداية في شرح بداية المبتدي (1/ 82)

ومن شرائطها "الجماعة " لأن الجمعة مشتقة منها، وأقلهم عند أبي حنيفة رحمه الله ثلاثا سوى الإمام .

المحيط البرهاني (2/436)

على قول أبي حنيفة وأبي يوسف رحمهما الله تعالى أصل الفرض في هذاالوقت هو الظهر وقد أمرنا بإسقاطه بالجمعة.

المحيط البرهاني (2 /468)

فإذا صلى الظهر يوم الجمعة قبل فراغ الإمام فقد خالف أمر الشرع فذا يكره  . وهذا بخلاف ما بعد فراغ الإمام من الجمعة فإن بعد فراغ الإمام من الجمعة  سقط عنه الأمر بإقامة الجمعة ولزمه أداء الظهر ..