سوال

بیٹی کی ضد پروالد کے کرائے گئے نکاح کاشرعی حکم

لڑکی کا والد بیٹی کی اصرار  کی وجہ سےاگر نکاح کرائے ایسے لڑکے سے جوغیرکفومیں ہو،والددل سے راضی نہ ہو،تو کیا ایسا نکاح شرعامنعقد ہوجاتا ہے؟

اَلجَوَابْ بِاسْمِ مُلْہِمِ الصَّوَابْ

صورت مسئولہ میں نکاح منعقد ہوجائے گا۔یہ والد کا بڑاپن ہے کہ اس نے اولاد کی رعایت کی ۔اللہ تعالی اس نکاح میں خیرڈال دیں اور سب کے لیے نافع بنائے۔آمین

تاہم نکاح کے فیصلے کے دوران والدین کی دلی رضامندی کااہتمام کرنانہایت اہم ہے۔بہتریہی ہے کہ اولاد والدین کو پیار، حکمت اور حسنِ سلوک کے ساتھ راضی کرنے کی کوشش کرے  اور حتی المقدور اسی جگہ نکاح کرے جہاں والدین کی دلی  رضا اور اطمینان شامل ہو، کیونکہ والدین کی رضا میں دنیا و آخرت کی برکت اور خیر مضمر ہے۔

حاشية ابن عابدين = رد المحتار ط الحلبي (3/ 9):

(وينعقد) متلبسا (بإيجاب) من أحدهما (وقبول) من الآخر... (كزوجت) نفسي أو بنتي.

الفتاوى العالمكيرية = الفتاوى الهندية(4/141):

وإذازوجهاأحدالأولياءمن غيركفوبرضاهالايكون للآخرحق الاعتراض.

الهداية في شرح بداية المبتدي (1/ 185):

قال: "‌النكاح ‌ينعقد بالإيجاب والقبول بلفظين.