سوال

میں پولیس کانسٹیبل ہوں،رات کے وقت ڈیوٹی کرتاہوں،میری ڈیوٹی 12گھنٹے ہوتی ہے،اگرمیں ان 12 گھنٹوں میں دوران ڈیوٹی 3 یا4 گھنٹے کے لئے سوجاؤں توکیامیری تنخواہ میں حرام شامل ہوگا؟ اوراس طرح کرناجائز ہے یانہیں؟

اَلجَوَابْ بِاسْمِ مُلْہِمِ الصَّوَابْ

ملازمت کے معاہدہ کے وقت جتناوقت ذمہ داری کی ادائیگی کے لئے طے ہواتھا وہ ساراوقت اس ذمہ داری میں لگاناضروری ہے،ذمہ داری کے وقت میں تین چارگھنٹے کے لئے سوناجائزنہیں،الایہ کہ معاہدہ میں اس طرح کی گنجائش دی گئی ہوتوپھراجازت ہوگی،لہذاصورت مسؤلہ میں اگرمعاہدہ پورے 12گھنٹے ذمہ داری کی ادائیگی میں لگانے کاہواہے تویہ 12گھنٹے اس ذمہ داری میں لگاناضروری ہیں،اگرآپ تین چارگھنٹے کے لئے اس وقت میں سوتے ہیں تواتنے وقت کی بقدرتنخواہ حلال نہیں ہوگی۔

فی الدر المختار للحصفكي (ج 5 / ص 355):

وليس للخاص أن يعمل لغيره، ولو عمل نقص من أجرته بقدر ما عمل.