سوال

 اگر کوئی شخص غصے کی حالت میں طلاق دے ،دو بار کہے اور تیسری بار پھر طلاق کہے تو رجوع کا طریقہ کیا ہے؟

اَلجَوَابْ بِاسْمِ مُلْہِمِ الصَّوَابْ

غصہ کی حالت میں طلاق دینے سے طلاق واقع ہو جاتی ہے۔ سوال میں پوچھی گئی صورت میں تین طلاق واقع ہوگئی ہیں اور اب رجوع کا طریقہ صرف حلالہ کی صورت میں ممکن ہے۔تفصیل اس کی یہ ہے کہ بیوی عدت(حاملہ نہ ہو تو تین ماہواری اور حاملہ ہو تو بچے کی پیدائش) گزار کر دوسری جگہ نکاح کرے اور ازدواجی تعلق قائم کرے، پھر دوسرا شوہر اپنی مرضی سے طلاق دے دے یا اس کا انتقال ہوجائے تو بیوی پہلے شوہر سے نکاح کرسکتی ہے۔

{فَإِنْ طَلَّقَهَا فَلَا تَحِلُّ لَهُ مِنْ بَعْدُ حَتَّى تَنْكِحَ زَوْجًا غَيْرَهُ} [البقرة: 230]

الفتاوى الهندية (1/ 472)

فصل فيما تحل به المطلقة وما يتصل به  إذا كان الطلاق بائنا دون الثلاث فله أن يتزوجها في العدة وبعد انقضائها وإن كان الطلاق ثلاثا في الحرة وثنتين في الأمة لم تحل له حتى تنكح زوجا غيره نكاحا صحيحا ويدخل بها ثم يطلقها أو يموت عنها كذا في الهداية