سوال

دو یا تین سال کے بعد زکوٰۃ کیسے ادا کی جائےگی؟کیا پچھلے سالوں کے ریٹ کے مطابق زکوٰۃ ادا کی جائے گی یا  ہر سال کا الگ الگ حساب لگایا جائےگا،یا کرنٹ سال کے  ریٹ کے مطابق ادا کی جائے؟کیونکہ آج کل تو ریٹس میں بہت زیادہ ڈیفرینس آیا ہے۔

اَلجَوَابْ بِاسْمِ مُلْہِمِ الصَّوَابْ

گزشتہ سالوں کی زکوۃ کی ادائیگی کے لیے موجودہ ریٹ  کا اعتبار کیا جائے گا۔گزشتہ سالوں میں پہلے سال  جتنا مال (رقم، سامانِ تجارت وغیرہ) موجود تھا، اس کا اندازہ لگایا جائے، اور اس کے ڈھائی فیصد(کی موجودہ قیمت) کے حساب سے زکوۃ ادا کی جائے۔پہلے سال کی زکوۃ ادائیگی کے بعد بچ جانے والے مال نصاب تک پہنچے تو اس  مال کی ڈھائی فیصد کے حساب سے زکوۃ ادا کی جائے، اسی طرح دوسرے سال کی زکوۃ کی  رقم منہا کرنے کے بعد بچنے والا مال نصاب تک پہنچتا ہو تو تیسرے سال کی زکوۃ    ڈھائی فیصد کے حساب سے ادا کر دی جائے۔

بدائع الصنائع في ترتيب الشرائع( (2/ 22

"وإنما له ولاية النقل إلى القيمة يوم الأداء فيعتبر قيمتها يوم الأداء، والصحيح أن هذا مذهب جميع أصحابنا".

بدائع الصنائع في ترتيب الشرائع (2/ 7)

إذا كان لرجل مائتا درهم أو عشرين مثقال ذهب فلم يؤد زكاته سنتين يزكي السنة الأولى، وليس عليه للسنة الثانية شيء عند أصحابنا الثلاثة..............ولو كانت عشرا وحال عليها حولان يجب للسنة الأولى شاتان وللثانية شاة.

ولو كانت الإبل خمسا وعشرين يجب للسنة الأولى بنت مخاض وللسنة الثانية أربع شياه.