سوال

کیا اخبار یعنی newspaper بیچنا جائز ہے؟ کیونکہ اس میں بہت سی تصاویر ہوتی ہیں۔ نیز یہ بھی بتائے کہ جس اخبار میں تصویر ہو اُسے بنانا یاچھاپنا کیسا ہے اور اخبار کے متعلق تمام کاموں کی کمائی حلال ہوگی یا نہیں؟

اَلجَوَابْ بِاسْمِ مُلْہِمِ الصَّوَابْ

اخبار  خریدنا اور بیچنا جائز ہے کیونکہ اخبار کا اصل مقصد حالات حاضرہ  کی خبریں پہنچانا ،ان پر تبصرہ و تجزیہ کرنا ہوتا ہے   ۔تصاویر ضمنا  اور تابع  کے طور پر ہوتی ہیں  اورایسی اشیاء جن میں تصاویر  اصل  مقصود نہ ہوں ان کی خرید وفروخت جائز ہے۔البتہ یہ بات واضح رہے کہ تصاویر بنانا بہرحال ناجائز   ہے اور تصاویر والے اخبار بنانے پر گناہ  تو ہوگا لیکن اس سے اخبار کی آمدنی حرام نہیں ہوگی۔

ماخوز از جواہر الفقہ(7/263)

شرح السير الكبير (3/ 100)

ألا ترى أن المسلمين يتبايعون بدراهم الأعاجم فيها التماثيل بالتيجان ولا يمتنع أحد عن المعاملة بذلك وإنما يكره هذا فيما يلبس أو يعبد من دون الله من الصليب ونحوها