سوال

مجھے اپنی بیٹی کا نام رکھنا ہے۔ برائے مہربانی بتا دیجیےکہ زاریہ نام کیسا ہے؟ یا پھر باریہ نام کیسا ہے؟

اَلجَوَابْ بِاسْمِ مُلْہِمِ الصَّوَابْ

زاریۃ" جس کی ابتداء میں "زاء" ہے، اس کا معنی ہے: عیب لگانے والی، یہ نام رکھنا درست نہیں ہے، لہٰذا  بہتر یہ ہے کہ  بچی کا نام صحابیات رضی اللہ عنہن کے ناموں پر رکھے جائیں، تاکہ خیر وبرکت کا باعث ہو۔

لسان العرب میں ہے:

"‌زري: زَرَيْتُ عَلَيْهِ وزَرَى عَلَيْهِ، بِالْفَتْحِ، زَرْياً وزِرَايةً ومَزْرِيةً ومَزْراةً وزَرَياناً: عَابَهُ وعاتَبه؛ قَالَ الشَّاعِرُ:

يَا أَيُّها الزَّارِي عَلَى عُمَرٍ، … قَدْ قُلْتَ فِيهِ غَيْرَ مَا تَعْلَمْ."( لسان العرب، ج:14، ص:356، ط:دار صادر)

 باریہ نام کے لغوی معنی    تراشنے والی ، آگے بڑھنے  والی کے آتے ہیں،لہذا یہ نام رکھنا جائز تو ہے ،لیکن بہتر یہ ہے کہ کوئی دوسرا بہتر نام رکھا جائے جو معاشرے میں پہلے سے معروف ہو اور ادائیگی مین آسان ہو اور مختصر یعنی مفرد نام کو ترجیح دینا چاہئے۔

۔۔۔۔۔۔۔