سوال

سودی رقم سے کیے گئے خیراتی کاموں کا کیا حکم ہے، مثلاً: میں نے سودی بینک کی ملازمت کے دوران اپنی تنخواہ میں سے مختلف اوقات میں مساجد کو صفیں، قالین، جائے نماز، پنکھے، نماز پڑھنے کے لیے کرسیاں وغیرہ خرید کر صدقہ کی ہیں اور  بسااوقات  نقد رقم بھی عطیہ کی ہے، جس کی مالیت تقریباً 2 لاکھ سے اوپر ہو گی، یہ تمام کام ثواب کی نیت سے کیے تھے، اب میرے لیے کیا حکم ہے؟

اَلجَوَابْ بِاسْمِ مُلْہِمِ الصَّوَابْ

واضح رہے کہ حرام مال صدقہ کرتے وقت ثواب کی نیت کرنا جائز نہیں، اگر کسی نے  لا علمی میں  کرلی ہو تو  توبہ و استغفار کرے۔

حاشية ابن عابدين (رد المحتار) (5/ 99):

 "والحاصل أنه إن علم أرباب الأموال وجب رده عليهم، وإلا فإن علم عين الحرام لا يحل له ويتصدق به بنية صاحبه، وإن كان مالا مختلطا مجتمعا من الحرام ولا يعلم أربابه ولا شيئا منه بعينه حل له حكما، والأحسن ديانة التنزه عنه "