سوال

کیا فرماتے ہیں مفتیانِ کرام اس مسئلے کے بارے میں کہ ایک دینی ادارہ ہے جس میں پورا ہفتہ معمول کے مطابق پڑھائی ہوتی ہے،  تقریبا نمازِ فجر کے ایک گھنٹہ  بعد سے رات نو بجے تک پڑھائی اوراتوار کےدن چھٹی کا معمول ہے،ایسے ہی یکم کے قریب جو ہفتہ آتا  ہےاس کو ماہانہ چھٹی ہوتی ہے،البتہ جن کا سبق ہفتہ  رات کونہ سنا  ہو توصبح نماز سے قبل ان کاسبق سنا جاتا ہے اور جو بچہ نماز سے قبل بھی  نہ سناسکےتو نماز کے بعداس کاسبق سننے کی کوشش کی جاتی ہے اور پھرمقیم بچوں کی اتوار مغرب تک چھٹی ہو جاتی ہے۔

ایسے ہی بڑی کوشش کی کہ غیر رہائشی بچے اتوار صبح کو بھی آئیں اور اتوار مغرب کے وقت بھی ادارہ میں آکر پیر کے دن کا سبق یاد کریں،اوریہ انتظامیہ  کی ہرطرح سے   کوشش رہی، لیکن اس فیصلے سے والدین کی طرف سے  یہ الفاظ سننے کو ملے کہ  ادارہ جب اتنا وقت  دے کر اچھا رزلٹ دے رہا ہے تو مزید سختی پر بچے بھی ماننے کو تیار نہیں اور ہم بھی بڑی مشکل سے یہ  اصول  ماننے کو تیار ہوں گے۔مہتمم صاحب کا حکم یہ ہے کہ جو بچہ پڑھنا چاہتا ہے وہ ہر صورت میں یہ اصول مانے ورنہ اسے ادارہ میں داخلہ نہ دیں،پوچھنا یہ  ہے کہ کیا یہ اصول شرعی ہے ؟

 نوٹ: یاد رہے کہ ماہانہ ہفتہ اور  اتوار کی  چھٹی جیسے مقیم بچوں کو ہوتی ہے ویسے شہریوں کو بھی ہوتی ہے۔

اَلجَوَابْ بِاسْمِ مُلْہِمِ الصَّوَابْ

صورتِ مسولہ میں مہتمم صاحب نے جو اصول بنایا  ہے، یہ کوئی شرعی مسئلہ نہیں بلکہ ایک انتظامی بات ہے،لہذا جیسے چاہیں اس کو حل کر لیں۔