سوال

السلام وعلیکم!میرا سوال یہ ہے کہ میرے شوہر نے مجھے 24 تاریخ کو تین طلاق کا اسٹامپ پیپر بھیجا ۔20 کو انہوں نے طلاق کے پیپر بنوائے ۔اس پروسس کے دوران میں حیض میں تھی۔انکو حیض کا علم نہ تھا۔ ہم میاں بیوی چھ سال سے الگ رہتے ہیں۔کورٹ میں ہمارا کیس چل رہا تھا۔میں اپنا گھر بچانا چاہتی ہوں۔برائے مہربانی میری رہنمائی کریں۔مجھے فتویٰ درکار ہے۔

اَلجَوَابْ بِاسْمِ مُلْہِمِ الصَّوَابْ

  حالتِ حیض میں طلاق دینا شریعت کی نظر میں انتہائی نا پسندیدہ ہے، تاہم  اس صورت میں بھی طلاق واقع ہو جاتی ہے۔ لہذا جب شوہر نے طلاق کے کاغذات بنالیے تو اب تین طلاقیں ہو چکی ہیں۔ آپ عدت کے بعد کسی دسری جگہ نکاح کر سکتی ہیں۔

قال ابن عابدین رحمہ اللہ تعالی:(والبدعي ثلاث متفرقة أو ثنتان بمرة أو مرتين) في طهر واحد (لا رجعة فيه، أو واحدة في طهر وطئت فيه، أو) واحدة في (حيض موطوءة) لو قال: والبدعي ما خالفهما لكان أوجز وأفيد (وتجب رجعتها) على الأصح (فيه) أي في الحيض رفعاً للمعصية.

(قوله: وتجب رجعتها) أي الموطوءة المطلقة في الحيض (قوله: على الأصح) مقابله قول القدوري: إنها مستحبة ؛ لأن المعصية وقعت فتعذر ارتفاعها، ووجه الأصح قوله صلى الله عليه وسلم لعمر في حديث ابن عمر في الصحيحين: ''مر ابنك فليراجعها''.)رد المحتار (3/ 232: