سوال

اگر بالٹی یا لوٹا، اس میں  پیشاب کے قطرے گرنے سے نجس ہو جائے، تو  اس پانی کو باہر پھینکنے کے بعد اور نل کھولنے سے جب بالٹی کے اطراف سے پانی بھرتا اور بہہ جاتا ہے، (تو کیا وہ پاک ہو جائے گا) یا آپ کو بالٹی کے اندر پانی کے برابر پانی بہانا پڑے گا تو وہ پاک ہو گا؟  یا صرف بہنے سے  ہی وہ پاک ہو جائے گا؟

اَلجَوَابْ بِاسْمِ مُلْہِمِ الصَّوَابْ

صورت مسئولہ میں اگر  نجس برتن میں نل کھول دیا جائے اور اتنا پانی بہہ جائے کہ نجاست کے اثرات زائل ہونے کا غالب گمان ہو جائے ، تو وہ برتن پاک ہو جائے گا۔

وفي رد المحتار (195/1)

ومقتضاه أنه على القول الصحيح تطهر الأواني أيضا بمجرد الجريان..... وبقي شيء آخر سئلت عنه، وهو أن دلوا تنجس فأفرغ فيه رجل ماء حتى امتلأ وسال من جوانبه هل يطهر بمجرد ذلك أم لا؟ والذي يظهر لي الطهارة، أخذا مما ذكرناه هنا ومما مر من أنه لا يشترط أن يكون الجريان بمدد.